الويب سايت ولا الموبايل أبلكيشن؟ دليلك علشان تعرف ايه الأنسب للبيزنيس بتاعك.
في عالم التكنولوجيا دلوقتي، كل بيزنس محتاج يكون موجود على الإنترنت. لكن السؤال اللي بيواجه كتير من أصحاب الأعمال ” أعمل موقع إلكتروني (ويب سايت) ولا أطور تطبيق موبايل (أبلكيشن)؟” الإجابة مش واحدة لكل الحالات، لأن كل بيزنس ليه احتياجات مختلفة. هنا هنوضحلك الفرق بين الاتنين، وإزاي تقرر أيه الأنسب ليك، وهنعرفك كمان أنواع الشركات اللي تنفع لها أبلكيشن واللي متنفعش.
ايه الفرق بين الويب سايت والموبايل أبلكيشن؟
1- الويب سايت
إيه هو : الموقع الإلكتروني هو صفحة أو مجموعة صفحات بتتفتح من خلال المتصفح (زي جوجل كروم أو سفاري).
إزاي بيشتغل : بيشتغل على أي جهاز (موبايل، لاب توب، تابلت) طالما في إنترنت.
مميزاته:
- سهل الوصول إليه من أي جهاز.
- تكلفته أقل مقارنة بالأبلكيشن.
- سهل التحديث والتطوير.
- بيوفر معلومات عامة عن الشركة أو الخدمات.
عيوبه:
- مش بيوفر نفس سرعة وسهولة الاستخدام اللي الأبلكيشن بيوفرها.
- مش بيشتغل من غير إنترنت.
- محدود في التفاعل مع المستخدمين.
2- الموبايل أبلكيشن
إيه هو : التطبيق هو برنامج بتحمله على موبايلك من خلال متاجر التطبيقات زي “جوجل بلاي” أو “آب ستور”.
إزاي بيشتغل : بيشتغل مباشرة من الموبايل، وممكن التطبيقات يشتغل من غير إنترنت.
مميزاته:
- أسرع وأسهل في الاستخدام.
- بيوفر تجربة مستخدم أفضل (زي الإشعارات والتفاعل السريع).
- مناسب للخدمات اللي بتستخدمها بشكل يومي.
- بيوفر تفاعل أكبر مع العملاء.
عيوبه:
- تكلفته أعلى من الويب سايت.
- محتاج تحديثات مستمرة علشان يتوافق مع أنظمة التشغيل الجديدة.
- صعب الوصول ليه من غير تحميله أولاً.
امتي أستخدم ويب سايت؟
الموقع الإلكتروني هو الحل الأمثل لو:
- عاوز توصل لمعلوماتك لأكبر عدد من الناس: لأن الويب سايت بيتفتح على أي جهاز بسهولة , كل اللي هتكون محتاجه هو انترنت.
- ميزانيتك محدودة: في طرق كتيره ظهرت مؤخرا بتخليك تعمل ويب سايت بسهوله ومن غير ما ياخد وقت عشان كده تكلفة إنشاء موقع أقل من تطوير أبلكيشن.
- محتاج توفر معلومات أو خدمات بشكل عام: زي عرض قائمة المطعم أو بيانات التواصل او حجات تانية زي الـ Landing pages.
- مش محتاج تفاعل يومي مع العملاء: زي المواقع الإخبارية أو المدونات.
- عاوز توفر معلومات ثابتة: زي مواقع الشركات اللي بتعرض خدماتها ومنتجاتها.
امتي أستخدم موبايل أبلكيشن؟
التطبيق هو الحل الأفضل لو:
- لو البيزنيس بيقدم خدمة يومية: زي مطاعم الفطار السريع أو خدمات التوصيل.
- عاوز توفر تجربة مستخدم مميزة: زي الإشعارات الفورية أو الخصومات الحصرية.
- عاوز تزيد تفاعل العملاء معك: التطبيقات بتوفر أدوات تفاعلية أكثر من الويب سايت.
- عاوز تبقى قريب من عملائك: التطبيق موجود دايماً على موبايل العميل، فبيزيد فرص التفاعل.
- عاوز تقدم خدمات مخصصة: زي التطبيقات البنكية أو تطبيقات اللياقة البدنية.
أنواع الشركات اللي تنفع لها أبلكيشن
في شركات بيكون احسن معاها انك تعملها ابلكيشن بالذات لو التطبيق ده هيتم استخدامه بشكل يومي زي :
- المطاعم والكافيهات: علشان لو هتقديم خدمة طلب أونلاين وتوصيل.
- متاجر التجزئة: علشان تسهيل عملية الشراء وتوفير عروض حصرية.
- خدمات التوصيل: زي توصيل طلبات أو توصيل البضائع والاشخاص.
- التطبيقات التعليمية: عشان الابلكيشن مستقر اكتر من الويب سايت لانه نادرا لما يحصل فيه مشكلة زي ان الموقع يقع بسبب الضغط الزيادة عليه ولذلك تقديم دورات تفاعلية واختبارات الانسب ليها هيكون الابلكيشن.
- تطبيقات اللياقة والصحة: علشان متابعة التمارين والأنظمة الغذائية.
- التطبيقات البنكية: علشان إدارة الحسابات والتحويلات المالية.
أنواع الشركات اللي مينفعلهاش أبلكيشن
في شركات تانيه مش بيكون ليها لازمة انك تعملها ابلكيشن وده لانه هيكلفك كتير علي الفاضي والويب سايت هيفي بالغرض:
- الشركات الصغيرة اللي بتقدم خدمات محدودة: زي المحلات الصغيرة اللي مش محتاجة تفاعل يومي.
- المواقع الإخبارية: لأنها بتعتمد على المحتوى اللي بيتصفحه الناس من أي جهاز.
- المواقع اللي بتقدم معلومات ثابتة: زي مواقع الشركات اللي بتعرض بيانات التواصل والخدمات.
- الشركات اللي ميزانيتها محدودة: علشان تكلفة تطوير أبلكيشن بتكون عالية مقارنًا بالويب سايت.
يعني من الاخر لو عندك مثلا مطعم بيقدم فطار سريع أو مخبوزات، هنا إزاي تقرر:
لو عاوز توفر قائمة الأكل وبيانات التواصل: الويب سايت يكفي.
لو عاوز تقدم خدمة طلب أونلاين وتوصيل: الأبلكيشن هيبقى أفضل، علشان العملاء هيعتمدوا عليه بشكل يومي.
هل في حل تالت خالص غير الويب سايت او الابلكيشن ؟
في حالات كتيرة، ممكن تبدأ بموقع إلكتروني لو الميزانية محدودة وتبدأ تشتغل عليه (Optimization)SEO بشكل قوي عشان الـRank بتاعه يعلي ويبقي معروف وبعد كده تطور أبلكيشن لما البيزنس يكبر. كمان في تقنيات جديدة زي PWA (Progressive Web Apps) اللي بتوفر تجربة قريبة من الأبلكيشن من خلال الموقع الإلكتروني.
إحنا في إنديب للتسويق الإلكتروني Indeep Business Solutions فاهمين إن قرار إنك تعمل ويب سايت أو أبلكيشن مش قرار سهل، وده علشان كل بيزنس ليه احتياجات مختلفة.
بدل ما تفكر كتير وتتوه في عالم التكنولوجيا، تعالى لـIndeep واحنا هنعمل تحليل شامل لشركتك وعملائك المستهدفين. من خلال خبرتنا اللي وصلت لـ 10سنين في مجال التسويق الإلكتروني وتطوير المواقع والتطبيقات، هنحددلك الاختيار الأنسب ليك سواء كان ويب سايت، او أبلكيشن، أو حتى الاتنين مع بعض!
إنديب للتسويق الإلكتروني مش مجرد شركة تسويق ، احنا بنقدم لشركتك حلول متكاملة علشان نوصل مع بعض لأهدافك. من اول تحليل السوق، لتطوير الاستراتيجيات، ولحد تنفيذ الحملات الإعلانية، احنا بنساعدك في كل خطوة علشان تضمن نجاحك.