إزاي تختار منصة السوشيال ميديا المناسبة لنشاطك التجاري؟
في الزمن اللي السوشيال ميديا بقت فيه جزء لا يتجزأ من حياتنا اليومية، اختيار المنصة المناسبة للترويج لنشاطك التجاري بقى تحدي مهم. كل منصة ليها طبيعتها الخاصة، وجمهورها المستهدف، ونوع المحتوى اللي بيتفاعل معاه الناس. في المقال ده، هنشرح بالتفصيل إزاي تختار المنصة المناسبة، وهنوضح إيه اللي يميّز كل منصة واستخداماتها المثالية
ليه مهم تختار المنصة الصح؟
مش كل منصة سوشيال ميديا هتناسب نشاطك التجاري, الاختيار الغلط ممكن يضيع وقتك وميزانيتك على جمهور مش مهتم أو مش متفاعل مع اللي بتقدمه. عشان كده لازم تفكر كويس في:
- جمهورك المستهدف
- نوع المنتج أو الخدمة اللي بتقدمها
- أهدافك التسويقية (وعي بالعلامة التجارية، مبيعات، تفاعل، إلخ)
منصات السوشيال ميديا الرئيسية واستخداماتها
Facebook:
فيسبوك هو المنصة الأشمل اللي بيستخدمها كل الفئات العمرية تقريبًا. مناسب جدًا لو عايز توصل لجمهور واسع وتروج لمنتجات متنوعة.
- أدوات إعلانية قوية بتمكّنك تستهدف الجمهور بدقة.
- مناسب للإعلانات النصية والصورية والفيديوهات.
أفضل للاستخدام مع:
- الشركات اللي بتقدم منتجات أو خدمات متنوعة.
- الأنشطة اللي عايزة تبني علاقة طويلة المدى مع جمهورها.
مثال: “لو عندك متجر لبيع الملابس، ممكن تستخدم فيسبوك للترويج لعروض خاصة وتفاعل مع العملاء من خلال التعليقات والرسائل”.
Instagram:
إنستجرام هو المنصة المثالية للمحتوى البصري زي الصور والفيديوهات القصيرة. مناسب جدًا للعلامات التجارية اللي بتعتمد على المظهر الجذاب لمنتجاتها.
المميزات:
- محتوى بصري جذاب.
- القصص (Stories) والريلز (Reels) بيحققوا تفاعل عالي.
أفضل للاستخدام مع:
- منتجات الأزياء، الطعام، الديكور، والسفر.
- الأنشطة اللي بتستهدف الفئات العمرية الصغيرة والشباب.
مثال : ” لو بتدير مطعم، انشر صور وفيديوهات لأطباقك الشهية وحفّز الجمهور بتقديم عروض حصرية من خلال القصص والتصوير الاحترافي للصور والريلز” .
TikTok:
تيك توك بقى من أهم المنصات اللي بتعتمد على سرد القصص (Storytelling) والمحتوى السريع المشوق.
المميزات:
- الانتشار السريع للفيديوهات.
- جمهور شاب ومتفاعل جدًا.
أفضل للاستخدام مع:
- العلامات التجارية اللي بتستهدف الفئات العمرية من 13-30 سنة.
- الأنشطة اللي بتعتمد على الإبداع والمرح.
مثال : ” لو عايز تعمل براند ملابس جديد، اعمل فيديو سريع ومبتكر بيوضح الماتريال اللي اتصنع بيها المنتج وبيحكي الخطوات اللي تمت عشان يطلع بالشكل النهائي اللي عليه ” , الفيديوهات السريعه والبسيطة ده بتدي إيحاء للعميل انه لابس حاجة قيمة ومتعوب فيها بمعني أصح.
LinkedIn:
لينكد إن هو المنصة المثالية للتواصل مع المحترفين وأصحاب الأعمال والشركات.
المميزات:
- جمهور مهني واحترافي.
- مناسب لمشاركة محتوى تعليمي أو متعلق بصناعة معينة.
أفضل للاستخدام مع:
- شركات الـB2B: يعني لما يكون استهدافك او الـTarget بتاعك هو الشركات او الـ Industries.
- التوظيف والخدمات المهنية.
مثال : “لو بتدير شركة استشارات، استخدم لينكد إن لمشاركة دراسات حالة ومقالات تعليمية “.
YouTube:
يوتيوب هو ملك الفيديوهات الطويلة يعني لو محتواك بيعتمد على الشرح أو تقديم محتوي تعليمي، دي المنصة المناسبة ليك.
المميزات:
- جمهور متنوع.
- محتوى دائم ومرجع معتمد.
أفضل للاستخدام مع:
- العلامات التجارية اللي ممكن تقدم شرح للبراند او تعليمات معينة.
- الأنشطة اللي بتستهدف جمهور بيبحث عن محتوى تعليمي أو ترفيهي.
مثال : “لو بتبيع أجهزة إلكترونية، اعمل فيديوهات لشرح استخدام المنتجات ومراجعات تفصيلية لكل منتج “.
إزاي تختار المنصة المناسبة ليك؟
حدد جمهورك:
اسأل نفسك الاول : مين اللي عايز أوصل له؟ شباب، اطفال، مؤسسات؟
- لو جمهورك شباب، تيك توك وإنستجرام هيكونوا الأنسب.
- لو جمهورك محترفين، لينكد إن هو الاختيار الأفضل.
فكر في نوع المحتوى:
- لو محتواك بصري، ركّز على إنستجرام.
- لو محتواك تعليمي أو ترفيهي، يوتيوب هيكون أنسب وهكذا..
راجع أهدافك التسويقية:
لازم يكون عندك استراتيجية او خطة تكون عاوز توصلها في خلال فترة معينة يعني مثلا :
- لو عايز انتشار سريع، جرّب تيك توك.
- لو عايز بناء علاقة طويلة المدى مع جمهورك، فيسبوك وإنستجرام هيكونوا الأفضل
شركة انديب للتسويق الالكتروني Indeep Business Solutions :
حاسس إن الموضوع مُعقد وتوهت مني؟
مش مشكلة ! إحنا في إنديب للتسويق الإلكتروني Indeep Business Solutions جاهزين نساعدك. فريقنا خبرته أكتر من 10سنين في التعامل مع كل منصات السوشيال ميديا المختلفة. هنشتغل معاك خطوة بخطوة، من تحليل جمهورك المستهدف لحد تنفيذ حملة تسويقية ناجحة.
خدماتنا تشمل:
- تحليل الجمهور واختيار القنوات المناسبة.
- إعداد حملات تسويقية فعّالة على كل منصة.
- إدارة المحتوى وجدولة المنشورات.
- تقديم تقارير أداء دورية.