ازاي اكتب محتوي فعال – اهم الاساسيات اللي تخلي محتواك رقم 1
في عالم التسويق الرقمي، المحتوى هو (الملك) . عشان كده ، لو عاوز تحقق نجاح على الإنترنت ، لازم تعرف ازاي تكتب محتوى يجذب الناس ويخليهم يتفاعلوا معاك. في المقال ده هنقولك على أهم الأساسيات اللي هتساعدك تكتب محتوى فعّال يحقق هدفك ويوصل للناس الصح.
يعني إيه محتوى فعّال؟
ببساطة شديدة المحتوى الفعّال هو اللي بيقدر:
- يجذب الانتباه: يخلي القارئ يكمل قراءه للآخر من غير ملل.
- يوصل رسالة واضحة: يحل مشكلة أو يجاوب على سؤال عند القارئ علي حسب نوع الموضوع.
- يشجّع علي التفاعل: يخلي الناس تشارك المحتوى أو تتفاعل معاه .
افهم جمهورك المستهدف:
قبل ما تكتب أي كلمة، لازم تعرف مين الجمهور المستهدف وعشان تعرف مين اللي بتكلمه , اسأل نفسك:
- مين الجمهور المستهدف؟
- إيه اهتماماتهم ومشاكلهم؟
- إيه اللغة اللي بيفضلوها (عامية ولا فصحى)؟
مثال: “لو بتكتب محتوي عن التكنولوجيا او الذكاء الاصطناعي مثلا, لازم تبقي عارف ان جمهورك الاكبر في الحاله ده هم الشباب من سن 18 : 35 “.
اختار عنوان يجذب الانتباه:
خليك عارف ان العنوان هو أول حاجة بتلفت انتباه القارئ في البوست واللي في الغالب متوقف عليه القارئ هيكمل لحد الاخر ولالا عشان كده العنوان اللي بتختاره للبوست او للمقاله بتاعتك لازم يكون:
- قصير ومباشر: ما يزيدش عن 10 كلمات.
- جذاب: يستخدم كلمات زي “أفضل“، “أهم“، “كيف“.
- مرتبط بالمحتوى: يكون صادق ومش مبالغ فيه.
- استخدم عناوين فرعية H2,H3 لتقسيم المحتوى.
- خلي كل فقرة ليها عنوان وتكون بتتكلم عن نقطة واحدة بس.
استخدم مقدمة قوية:
المقدمة لازم توضح للقارئ إيه اللي هيستفاده او ايه اللي المفروض يطلع بيه من المقال عشان كده:
- حاول تبدأ بسؤال، أو معلومة مدهشة، أو مشكلة شائعة.
مثال: “عمرك فكرت ليه بعض المقالات بتخليك تكمل للآخر وبعضها بتحس إنها مملة؟”
اختيار الكلمات واللغه المناسبة:
خلي المصطلحات والكلمات اللي بتختارها في المحتوي بتاعك مُلائمة للجمهور المُستهدف , يعني مثلا:
- خلي المحتوي واضح وسهل يتفهم و بلاش تستخدم كلمات معقدة أو جمل طويلة لو جمهورك سنهم صغير
- استخدم مصطلحات جديدة ووضح معناها لو هتتكلم عن أدوات لسه ظاهرة في السوق عشان تزود معلومات القارئ عنها.
استخدم أمثلة توضيحية:
- الأمثلة بتخلي المحتوى أقرب للقارئ وأسهل في التطبيق وخاصة لو المثال ده واقعي وبيحصل في ارض الواقع .
مثال: “لو بتكتب مقال عن التسويق، ممكن تضيف مثال عن شركة نجحت في زيادة مبيعاتها باستخدام استراتيجية محتوى معينة” .
أضف دعوة للعمل (Call to Action):
- في نهاية المقال، قول للقارئ يعمل إيه بعد ما يقرأ المحتوى , وسهل علي القارئ انه يوصلك بسهوله او يتواصل معاك بعد المقال .
مثال: “اشترك في النشرة البريدية” أو “اتصل بينا دلوقتي” او “اسأل عن عروض الاسعار ” وهكـذا..
حسّن المقال لمحركات البحث (SEO):
- استخدم الكلمات المفتاحية (Keywords) بشكل طبيعي.
- اكتب عنوان ميتا (Meta Title) ووصف ميتا (Meta Description) واستخدم فيهم الكلمات اللي بيتم البحث عنها في الموضوع ده اكتر.
- استخدم الروابط الداخلية Internal Links والخارجية External Links لتحسين ترتيب المقال وعشان تربط صفحاتك ببعضها.
اعمل مراجعة للمحتوى:
- تأكد إن المحتوى خالي من الأخطاء الإملائية.
- راجع التنسيق، وتأكد إن العناوين واضحة واللغة مناسبة.
إزاي شركة إنديب للتسويق الإلكتروني Indeep Business Solutions هتساعدك تكتب محتوى احترافي؟
لو عاوز تضمن إن محتواك يبقى فعال ويحقق النتائج اللي أنت عاوزها، شركة Indeep Business Solutions هي الحل الأمثل.
إيه اللي ممكن نقدمهولك؟
- تحليل الجمهور المستهدف: هنحدد بالظبط مين جمهورك وإيه اللي بيهمهم.
- كتابة محتوى متوافق مع الـ SEO: هنستخدم الكلمات المفتاحية المناسبة علشان محتواك يظهر في النتائج الأولى لمحركات البحث.
- تصميم محتوى جذاب: هنرتب الأفكار ونستخدم عناصر التنسيق علشان المحتوى يبقى سهل القراءة.
- تقديم استراتيجيات تفاعلية: هنشجع جمهورك على التفاعل مع المحتوى من خلال أسئلة ودعوات إلى العمل.
- مراجعة وتطوير المحتوى: هنراجع المحتوى قبل النشر ونقدم لك تقارير عن أدائه علشان نطوره باستمرار.
مع شركة انديب للدعايا والإعلان Indeep Business Solutions، محتواك هيبقى رقم واحد 😁